Azərbaycan Respublikasının keçmiş mədəniyyət naziri Anar Kərimov İslam Dünyası Təhsil, Elm və Mədəniyyət Təşkilatının (ICESCO) Tərəfdaşlıq və Beynəlxalq Əməkdaşlıq Sektorunun rəhbəri təyin edilib.

Bu barədə ICESCO-nun rəsmi səhifəsində məlumat verilib.

Bildirilib ki, Anar Kərimov ICESCO-nun Tərəfdaşlıq və Beynəlxalq Əməkdaşlıq Sektorunun rəhbəri kimi təşkilatın üzv dövlətlərdəki müxtəlif qurumları, eləcə də beynəlxalq təşkilatlar və orqanlarla tərəfdaşlıq əlaqələrinin gücləndirilməsi, bütün dünyada onun əhatə dairəsinin genişləndirilməsi və təhsil, elm, mədəniyyət və kommunikasiya sahələrində proqramlarının dəstəklənməsi üçün lazımi maliyyə resurslarının cəlb edilməsi işlərinə öz töhfəsini verəcək.

“Ədəbiyyat və incəsənət”

(18.05.2023)