VI çağırış Milli Məclisin Mədəniyyət Komitəsinin sədri Fazil Mustafa Naxçıvan Muxtar Respublikası Müharibə, Əmək, Silahlı Qüvvələr və Hüquq Mühafizə Orqanları Veteranları Şurasının sədri Firudin Süleymanovu 90 illik yubileyi ilə bağlı təbrik edib. “Ədəbiyyat və incəsənət” portalı təbrik məktubunu təqdim edir:

"Hörmətli Firudin müəllim,

Sizi 90 illik yubileyinizlə bağlı təbrik edir, möhkəm cansağlığı diləyirəm!

Siz maarifçi ictimai xadim və şair olaraq uzunmüddətli, səmərəli ictimai fəaliyyət və yaradıcılıq yolu keçmisiniz.

Siz özünəxas zəngin mədəniyyət, sənət gələnəyi olan Şahtaxtı kəndində doğulub, boya-başa çatmısınız. 2017-ci il noyabr ayının 24-dən Naxçıvan Muxtar Respublikası Müharibə, Əmək, Silahlı Qüvvələr və Hüquq Mühafizə Orqanları Veteranları Şurasının sədrisiniz. Bu vəzifəyədək də müxtəlif məsul vəzifələrdə çalışmısınız.

Siz həmçinin ədəbi yaradıcılıqla məşğul olursunuz. Azərbaycan Yazıçılar Birliyinin (2005), Naxçıvan Yazıçılar Birliyinin (2012) üzvüsünüz. Şeir və poemalardan ibarət 9 kitabınız gün üzü görüb.

“Azərbaycan Xalq Cümhuriyyətinin 100 illiyi (1918-2018)” yubiley medalı, “Naxçıvan Muxtar Respublikasına xidmətlərə görə” nişanı ilə, habelə bir sıra ictimai mükafatlarla təltif olunmusunuz.

Sizi yubileyinizlə bağlı bir daha təbrik edir, ən xoş arzularımı yetirirəm"!

“Ədəbiyyat və incəsənət”

(25.07.2024)