Bildiyimiz kimi F.Köçərli adına Respublika Uşaq Kitabxanasında Beynəlxalq Uşaq Kitabı Gününə həsr edilmiş sərgi təşkil edilmişdi. Sərgi çərçivəsində uşaq yazarları ilə görüş də olub. Bu barədə “Ədəbiyyat və incəsənət” portalına görüş iştirakçısı Mina Rəşid məlumat verib.

Tədbirdə Mina Rəşidlə bərabər Zahid Xəlil, Sevinc Nuruqızı, Fatimə Alxaz, Reyhan Yusifqızı, Lalə Umud, Gülzar İbrahimova və Zahirə Cabir də məktəblilərlə görüşüblər.

Aprelin 4-də kitabxanada uşaq yazıçısı Mina Rəşidlə 8 və 177 saylı orta məktəblərin şagirdləri ilə görüş keçirilib. Görüşdə Mina xanım xüsusilə azad Qarabağa həsr etdiyi şeir nümunələri ilə çıxış edib. 

“Ədəbiyyat və incəsənət”

(08.04.2024)