Cəfər Cabbarlı adına Respublika Gənclər Kitabxanasında Mədəniyyət Nazirliyi yanında İctimai Şuranın növbəti iclası keçirilib. Bu barədə “Ədəbiyyat və incəsənət” portalına İctimai Şuradan məlumat verilib. 

Tədbirdə İctimai Şuranın sədri, Milli Məclisin deputatı, akademik Nizami Cəfərov, Milli Məclisin Mədəniyyət Komitəsinin sədri Fazil Mustafa, şura üzvləri iştirak ediblər. 

Nizami Cəfərov çıxış edərək Şura tərəfindən həyata keçirilən tədbirlər və görüləcək işlər barədə məlumat verib.

İctimai Şuranın sədr müavinləri Əkbər Qoşalı və Vüqar Qədirov, eləcə də üzvləri kinorejissor Ayaz Salayev, Xanoğlan Əhmədov, Samirə Mustafayeva və Adilə Nəzərova Şuraya edilən müraciətlər, qaldırılan problemlər və təkliflər barədə danışıblar.

“Ədəbiyyat və incəsənət”

(03.04.2024)