Könül, “Ədəbiyyat və incəsənət”

Açığı, Cəlil Cavanşirin poeziyasını nəsrindən qat-qat çox sevirəm. Bu adam yazan şeirlər qəlbi titrətmirmi, titrədir. İndi Cəlil bəy özünün yaratdığı C.C. Literary Agency ilə prodüsserlikdən başqa, səhnə performansına da keçid alıb. Necə, nə cür? Ətraflı aşağıdakı xəbərdə. 

“Qanun” Nəşriyyatı, M Teatr və C.C. Literary Agency birlikdə yeni layihəyə başlayır: “M.Teatr"da yaradıcılıq gecələri! Layihənin ideya müəllifi və rəhbəri tanınmış şair, ssenarist Cəlil Cavanşirdir.

Və layihənin ilk buraxılışı bu gün - 15 fevral, 2024-cü il, saat 19:00-da baş tutacaq və Cəlil Cavanşirin yaradıcılığına həsr olunur. Səhnədə onunla bərabər Röyal Musa da olacaq. 

 "M. Teatr"ın səhnəsində onlara Cavid Baba, Tamilla Həsən, Ramiz Qəmbər və İlahə Zahid yoldaşlıq edəcək.

Şeirli, musiqili, necə deyərlər sazlı-sözlü bir gecə tamaşıçıları gözləyir. 

"Sevgililər Günü"ndən dərhal sonra "Sevgi"Sizlər" Günü"ndə tamaşaçılarla  görüşəcək bu layihə üzvləri qeyd edirlər ki, onlar üçün ən böyük sevgi elə tamaşaçılardır. Xüsusilə "Sevgililər günü"ndə kim tək qalıbsa, bu poeziya gecəsi onlar üçün lap yerinə düşəcək.

Biletlər iTicket.AZ saytında (link aşağıdadır) satışda olacaq və qiyməti büdcənizə hökmən uyğundur.

https://iticket.az/events/theatre/sevgi-sizler-gunu/110760?fbclid=IwAR3Bxpajq2rFfFnjFORBD8iITgSEB_Slhf3Oro4jRPYvgmCoVX-IMjmEW2c

“Ədəbiyyat və incəsənət”

(15.02.2024)