Bakıdakı Rus evinin Poeziya Klubu çərçivəsində “Na Buynakskoqo” Ədəbi məclisi (Dağıstan Respublikası) ilə telemost təşkil olunub. 

Bu barədə Rusiya İnformasiya-Mədəniyyət Mərkəzinin mətbuat xidmətindən bildirilib.

Tədbirdə klub sədrləri Lalə Həsənova, İndira Zubairova və Dağıstan Yazıçılar İttifaqının sədri Marina Əhmədova iştirak ediblər.

Poeziya gecəsində Rəsul Həmzətov, Vladimir Mayakovski, Anna Axmatova, eləcə də Bakı və Dağıstanın gənc şairlərinin yazdığı şeirlər səsləndirilib.

Həmin gün baş keşiş Qeorgi Tsurikovun yaradıcılıq gecəsi keçirilib, eləcə də fotoqraf və videoqraf Vsevolod Tsurikovun sərgisi açılıb.

Qeyd edək ki, Qeorgi 50 ilə yaxındır ki, şeir yazır, o, dəfələrlə “stihi.ru” portalında “İlin şairi” mükafatına layiq görülüb.

Sərgidə təqdim edilmiş fotoşəkillər baş keşiş Qeorginin şeirlərinə illüstrasiyalardır.

Yaradıcılıq gecəsində Vsevolod Tsurikov, Lalə Həsənova və Günatay Hüseynovanın ifasında müəllifin şeirləri səsləndirilib.

“Ədəbiyyat və incəsənət”

(20.07.2023)