“Ədəbiyyat və incəsənət” portalının Ekspress-sorğu rubrikasının aparıcısı Habil Yaşar bu dəfə kitabsevərlərdən “Azərbaycan ədəbiyyatından hansı əsərin filmə çəkilməsini istərdiniz?” sualına cavab alıb.

Tural Nəbiyev, müəllim

Əslində Azərbaycan ədəbiyyatında filmə çevrilməsi gərəkən çox kitablar var. Bunların sırasında tarixi əsərlər ön plana çıxmalıdır.  Bu gün kitabın az və ya heç oxunmadığı zamanlarda filmə çəkilmə həmin tarixlərin öyrənilməsinə təkan verər. Bu mövzuda Şah İsmayıl, M.Ə.Rəsulzadə və digər tarixi şəxsiyyətlərin həyat və fəaliyyətlərinə həsr olunmuş filimlərimizi görmək istərdim.

Malik Məmmədov, təqaüdçü

Hələ də Çingiz Abdullayevin Dronqosuna film çəkilməyib, bu xoşagəlməz faktdır.

Mətanət Məhərrəm, müəllimə

Varisin "Sonuncu ölən ümidlərdir" əsərinə.

Ceyran Məmmədova, hal-hazırda işsiz

Heç birini.Bizimkilər film çəkə bilmirlər. Özüm oxuduqca beynimdə çizdiyim film daha gözəl alınır

İradə Allahverdiyeva, müəllimə

Nizami Gəncəvinin “Xəmsə”sinə film çəkilsə əla olar. Elə Habil Yaşarın “Yeddinci ayın yeddisi” romanına çəkilən film də pis alınmaz məncə.

Lətifə Abbasova, yazar

Azərbaycan Ədəbiyyatında keçmişdə olanları demiyəcəyəm. Çünki indiki gəncliyi keçmis əsərlər çox da maraqlandırmır. Amma müasir gozəl bir əsər olsa istərdim film çəkilsin. Məsələn, sevgi mövzusunda. Bir də ki, şəhidlərimizə aid gözəl filmlər gormək istərdim.

Səadət Qənbərova, yazar

Əlibala Hacızadənin "Təyyarə kölgəsində” romanına film çəkilsə

 Bütün reytinqləri qırar.

Zabitə Nəsirova, elmi işçi

Anarın “Beşmərtəbəli evin altıncı mərtəbəsi” romanının motivləri əsasında “Təhminə” filmi çəkildi, amma çox zəif. İstərdim o romana daha güclü rejissor, məsələn, Timur Baydarov film çəkəydi.

“Ədəbiyyat və incəsənət”

(06.04.2023)