“Ədəbiyyat və incəsənət” portalı oxucularına Polşa şairəsi olan Halina Posviatovskanın şeirlərini təqdim edir. Halina Posviatovska (1935 -1967) çox qısa ömür yaşasa da gözəl lirik şeirlər ortaya qoyub. Şeirlərinin əsas motivi sevgi və ölümdür. Onun ayrıca aforizmləri də şox sevilir. Dünyaya ürək xəstəliyi ilə göz açan, erkən nikaha girən və cəmi 21 yaşında dul qalan, 23 yaşında ağır ürək əməliyyatı keçirən və bütün ömrü boyu ölümünü gözləyən şairə sağlığında 4 kitabının sevincini yaşayıb. Öləndən sonra çoxlu çap edilməmiş şeirləri, eləcə də “Dostum üçün hekayət” adlı avtobioqrafik povesti şap olunub.
Səndən yazmaq istəyirəm
Səndən yazmaq istəyirəm
Adından bir sığınacaq yapam
Qırılmış budaqlar üçün
Donmuş gilas ağacı üçün.
Dodaqlarından
Ki ayparanı xatırladır.
Kirpiklərindən
Ki aldadaraq qaranı xatırladır.
İstəyirəm barmaqlarımı
Saçlarında rəqs etdirəm
Boğazındaki sümüyə toxunam.
Toxunam səssizcə səsli yerinə,
O yerə ki ürək dodaqlarının sözünə baxmır!
İstəyirəm sənin adını birləşdirəm
ulduzlarla
qanla
ki yanında yox
içində olam...
gecənin dənizində qeyb olmuş
yağışdan bir damcı kimi
yox olmaq istəyirəm...
Məni adımla səslə
Məni adımla səslə
Ki sənə sarı gəlim,
Ey canımda olanım!
Məni adımla səslə
Soruşma ki,
adım bir quşmu
göy üzündə?
Ya da bir kol
Ki kök salıbdır torpağa caynağıyla
Və boyayır qan rənginə
Göy üzünü.
Sorma
Ki nədir adım
Özüm də bilmirəm...
Axtarıram,
Adımı axtarıram.
Bilirəm əgər eşitsəm adımı
Dünyanın harasında olsam
Cəhənnəmin dibində belə
Tapıb gələcəm...
Diz çökürəm qarşında
Və yorğun başımı
Sənin əllərinə tapışırıram.
Mən öləndə…
Sevgili!
Günəşi tərk edəcəm
mən öləndə
Hündür kədərli canlıya dönəcəm
Qucağına alıb basacaqsanmı bağrına?
Saracaqsanmı qollarını kəmərimə?
Dəyişəcəksənmi qəddar taleyin sonunu?
Səni düşünürəm gahdan
Sənə yazıram gahdan
Sevgiylə, gülümsəməylə dolu boş məktubları
Gizlədirəm odların içində.
Odlar daha da alovlanır,
Sevgili!
Alovlara gözümü dikdikcə
Fağırlaşıram.
Sevgidən susuz olan ürəyimin sonunun
necə olacağından gərək qorxummu?
Amma sənin mərhəmətin yox ki
bu bumbuz,
qaranlıq dünyada
Tək tənha ölürəm!