Azərbaycan Gənclər Fondunun dəstəyi ilə hazırlanan Əfsələddin Ağalarovun “Diqqət! Xəbər var!” kitabı gənc jurnalistlər və jurnalist olmaq istəyən gənclər üçün nəzərədə tutulmuş bir nəşrdir, informasiya agentliklərinin fəaliyyətini özündə əxz edir. Araşdırma janrında hazırlanan kitab iki qardaş ölkənin dövlət xəbər agentliklərinin - Türkiyənin Anadolu və Azərbaycanın AzərTac
agentliklərinin informasiya siyasətini tarixi ardıcıllıqla, incəlikləri ilə, bu günün hadisələrinin təhlili ilə təqdim edir.
Nəşrin rəyçiləri dəyərli ziyallardır - professor Qulu Meherremli, professor Cahangir Məmmədli, professor Nəsir Əhmədli və Marmara Universitetinin dosenti doktor Levent Eldeniz.
Kitab “Mücrü” nəşriyyatında çıxıb.
Nəşr gənclər üçün ödənişsiz olaraq paylanacaq və onlarla keçirilən görüşlərdə təqdim ediləcək.