Diqqətlər Los-Ancelesə yönəlmişdi. Burada 65-ci “Grammy” musiqi mükafatının təntənəli təqdimolunma mərasimi keçirilirdi. “Ədəbiyyat və incəsənət” kr.ru-ya istinadən xəbər verir ki, 1 oktyabr 2021 - 30 sentyabr 2022 dövrü ərzində ən yaxşı musiqi ifaçıları Crypto.comArena-da mükafatlandırıldılar, təntənəli gecənin aparıcısı Trevor Noa idi. 

Müğənni Bonni Raytın “Just Like That” kompozisiyası ilin ən yaxşı mahnısı adına layiq görülüb. Samara Coy ən yaxşı gənc artist nominasiyasında, Harri Staylz “Harry’s House” valına görə ilin ən yaxşı albomu nominasiyasında “Grammy” qazanıb. 

Mərasimin yekunlarına əsasən Beyonse karyerası ərzində rekord sayda - 9 nominasiyada adının birinci yazılmasına nail olub, halbuki cəmi bir mükafat qazanıb. Məşhur müğənninin “Renaissance” albomu ilin elektron və rəqs valları arasında ən yaxşısı olub. Bu, Beyonsenin qazandığı 32-ci heykəlcikdir. Bundan əvvəlki rekord – 31-ci “Grammy”yə layiq görülən dirijor Georq Şoltiyə məxsus idi. 

Lizzo və onun “About Damn Time” kompozisiyası ən yaxşı səs yazısı üzrə “Grammy” mükafatını qazanıb. 

Teylor Sviftin “All Too Well” (10 Minute Version) videoçarxı da “Grammy” mükafatçıları sırasında yer alıb.

“Ədəbiyyat və incəsənət”

(06.02.2023)