Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Quru meyvə, çərəz və paxla ilə balıq mütəncəminin hazırlanma qaydasını təqdim edəcəyik.

DÜSTUR 

§ Balıq – 200 qr

§ Kartof – 100 qr

§ Qırmızı soğan – 35 qr

§ Portağal şirəsi – 35 qr

§ Kərə yağı – 35 qr

§ Bitki yağı – 15 qr

§ Əncir qurusu – 25 qr

§ Badam – 25 qr

§ Müxəşşər – 25 qr

§ Axta zoğal – 17 qr

§ Cəfəri – 16 qr

§ Mərzə (quru) – 2 qr

§ Sarıkök – 0,1 qr

§ İstiot (dənəvər) – 0,05 qr

§ Duz – 4 qr

Xörək əlavəsi:

§ limon – 15 qr, nar – 10 qr, narşərab – 5 qr

HAZIRLANMASI:

Balıq filesi 60 qramlıq tikələrə doğranır. Tikələrin qalınlığı 2 sm, eni, uzunu isə balığın öz ölçüsündə olduğu kimi doğranır. Tavaya yağ əlavə olunur, yağ əriyəndə duz, istiot vurulmuş balıq tikələri yağda qızardılır. Sonra başqa qaba yığılır, həmin tavada aypara şəklində doğranmış soğan qızardılır. Qızarana yaxın qaynar duzlu suda isladılmış, qabığı təmiz- lənmiş badam, əvvəlcədən bişirilmiş müxəşşər, yuyulub-təmizlənmiş axta zoğal, yarıya bölünmüş əncir qurusu, kvadrat şəklində doğranmış, qızardıl- mış kartof, duz, istiot, sarıkök, mərzə qurusu, xırda doğranmış cəfəri əlavə olunur və bişirilir. Daha sonra qızardılmış balıq düzülür, üzərinə portağal şirəsi əlavə olunur. Tavanın qapağı örtülür, vam odda 10 dəqiqə ərzində bişirilir, yağa düşənə yaxın ocaqdan götürülür. 5 dəqiqə ərzində ağzı örtülü vəziyyətdə yer dəmi alır. Sonra gözəl düzülüşlə buluda çəkilir və süfrəyə verilir.

Nuş olsun! 

Ədəbiyyat və incəsənət”

(24.07.2024)