Nemət Tahir,

 “Ədəbiyyat və incəsənət” portalının Qarabağ təmsilçisi

Molla Nəsrəddinin dilindən:

"Dayım rəhmətə gedib. Hələ yasın şoku canımızdan çıxmamış, getmişik qəbiristanlığa yer danışmağa. Elə bil torpaq yox, Bakının mərkəzində obyekt alırıq...”

Və davam edir:

“Deyirlər:Tək torpaq 8.000 manat.

Bir anlıq fikirləşdim ki, yəqin içində kombi sistemi, isti döşəmə də var. Amma yox, bildiyimiz torpaq.

Mollaya tərəf dönüb deyirəm:

-Əmi, uzununa yox e, bəlkə düzünə basdıraq? Bir az qənaət edək.

Molla qaşlarını çatıb deyir:

-Bala, dinimizə görə olmaz.

Deyirəm:

-Yaxşı, onda bəlkə yandıraq? Heç olmasa yer dərdi olmasın.

Deyir:

-Balama qurban, o da olmaz. Hindus zadıq bəyəm, meyitimizi yandıraq?

Qalmışıq belə… Torpaq bahadı, alternativ yoxdu, din icazə vermir, bazar qiyməti uçub. Dayı da qalıb ortalıqda".

“Ədəbiyyat və incəsənət”

(23.04.2026)