İnci Məmmədzadə, “Ədəbiyyat və incəsənət”
Şəhidlər ölməz!
Vətən bölünməz!
Vətəninə bağlı olan, Birinci Qarabağ müharibəsi şəhidi Bəylər Ağayev 3 fevral 1969-cu il Qubadlı rayonunun Qarağac kəndində doğulmuşdur.
1990-cı ildə Azərbaycan Dövlət İnşaat Mühəndisləri İnstitutuna daxil olur. 1992-ci ildə təhsilini yarımçıq qoyan Bəylər könüllü olaraq Milli Ordu sıralarına yazılır, yüksək bacarığı ilk günlərdən diqqəti cəlb edir və o bölmə komandiri təyin edilir.
Bəylər Ağayev Laçın rayonu uğrunda gedən döyüşlərdə fəal iştirak edir. O, Səfiyan, Yuxarı Fərəcan və Aşağı Fərəcan, Mazutlu, Türklər və Suarası kəndlərində düşmənin xeyli canlı qüvvəsini və hərbi texnikasını məhv edib.
1992-ci ilin avqust ayının 6-sında Bəylər yoldaşları ilə mühasirəyə düşür. Vuruşur və qarşı tərəfi də itkilərə uğratmasına baxmayaraq həlak olur.
O, Qubadlı rayonunun Qarağac kəndində dəfn edilmişdir. Qarağac kənd tam orta məktəbi onun adını daşıyır.
Ölümündən sonra ona Azərbaycanın Milli Qəhrəmanı" adı verilmişdir.
Allah rəhmət eləsin! Amin!
“Ədəbiyyat və incəsənət”
(03.02.2025)
