İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Oğuz rayon Tarix-Diyarşünaslıq muzeyinin əməkdaşları tərəfindən Oğuz şəhərindəki məktəblərdə şagirdlərə “Muzey eksponatları şagirdlərin rəngli dünyasında“ layihəsi çərçivəsində “İncə naxışlar” adlı öyrədici və tematik məşğələlər keçirilib.

Məşğələlər xalçaçılıq və tikmə sənətinə həsr olunub. Şagirdlərə Azərbaycan xalqının qədim və zəngin xalçaçılıq ənənələri, naxışların mənası və onların necə hazırlandığı barədə, o cümlədən Oğuz rayonun xalçaçılıq tarixindən geniş məlumatlar verilib. Eyni zamanda tikmə sənətinin incəlikləri göstərilib. Müxtəlif sap və alətlərlə tikmə texnikaları nümayiş olunub.

Məşğələlər şagirdlər arasında milli dəyərlərimizə olan marağı daha da artırnışdır.  Şagirdlər məşğələlərdə yüksək fəallıq nümayiş etdirmişlər.

“Ədəbiyyat və incəsənət”

(11.04.2025)