Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Qovurmali çığırtmanın 

hazırlanma qaydasını təqdim edəcəyik. 

Nuş olsun!

DÜSTUR:

§ Qovurma – 119 qr

§ Yumurta – 80 qr

§ Pomidor – 85 qr

§ Soğan – 50 qr

§ Bolqar bibəri – 35 qr

§ Acı bibər – 20 qr

§ Keşniş – 10 qr

§ Quru mərzə – 3 qr

§ Sarıkök – 0,1 qr

§ İstiot – 0,05 qr

§ Duz – 4 qr

Xörək əlavəsi:

§ göyərti – 10 qr

HAZIRLANMASI:

Tərəvəzlər yuyulur, təmizlənir. Soğan nazik aypara, bibərlər nazik samanvarı, pomidor dilim şəklində doğranır. Qovurma balaca teştə və ya böyük tavaya yığılır. Qovurma qızdıqda soğan əlavə olunur. Soğan qıza- rana yaxın bibərlər, sonra pomidor əlavə edilir. Ərzaqlar əlavə olunduqca xörək ehtiyatla qarışdırılır. Duz, istiot, ədviyyat vurulur və qarışdırılır. Xörəyin suyu çəkilib, yağa düşdükdə yumurta vurulur. 15-20 dəqiqə müddətində 200°C-də sobada bişirilir. Süfrəyə veriləndə üzərinə göyərti sə- pilir.

“Ədəbiyyat və incəsənət”

(30.10.2024)