Rubrikanı Könül aparır. 

“Ədəbiyyat və incəsənət” portalının Azərbaycan Milli Kulinariya Assosiasiyası ilə birgə layihəsində sizlərə hər dəfə İrəvan mətbəxindən nümunələr təqdim edirik. Bu nümunələr Azərbaycanın bu sahə üzrə tanınmış mütəxəssisi, əməkdar mədəniyyət işçisi, tarix üzrə fəlsəfə doktoru, kulinar Tahir Əmiraslanovun gərgin əməyi nəticəsində ortaya çıxmışdır. 

Bu gün sizlərə Zoğalli arxaq mütəncəminin 

hazırlanma qaydasını təqdim edəcəyik. 

Nuş olsun!

DÜSTUR

§ Arxaq (sümüklü) – 250 qr § Soğan (qırmızı) – 50 qr

§ Zoğal – 50 qr

§ Zoğal turşusu – 15 qr

§ Ərinmiş kərə yağı – 32 qr § Quyruq – 17 qr

§ Ərik qurusu – 15 qr

§ Albuxara – 15 qr

§ Möüz – 15 qr

§ Qoz ləpəsi – 15 qr

§ Badam – 15 qr

§ Müxəşşər – 15 qr

§ Təzə zəncəfil – 10 qr § Göyərti – 8 qr

§ Mərzə – 3 qr

§ Sarıkök – 0,1 qr

§ Darçın – 0,1 qr

§ Duz – 4 qr

§ İstiot – 0,05 qr

HAZIRLANMASI:

Arxağın bel-qabırğa, bel, kürək və almacıq hissəsi, qabırğa, böyrək bel his- səsi qabırğa boyu kabab şəklində doğranır. Quyruq doğranır, tavaya yığılır və vam odda qızardılır. Ətə duz, istiot vurulur, əridilmiş quyruq yağında hər iki tərəfi qızardılır. Cızdaqlar tavadan yığılır. Təzə zoğal əlavə olunaraq ətlə birlikdə qızardılır. Ayrıca tavada ərinmiş kərə yağı qızdırılır, fal-fal doğranmış soğanlar qızardılır. Qızardıqda qabığı təmizlənmiş badam, qaynar suda isladılmış qoz ləpəsi, əvvəlcədən yarı bişirilmiş müxəşşər, tumu çıxarılmış albuxara, yarı bölünmüş ərik qurusu, möüz, duz, istiot, sarıkök, darçın, sürtkəcdən keçiril- miş zəncəfil, mərzə qurusu əlavə edilir və qarışdırılır. Ət və zoğal qarışığı və su əlavə olunaraq, ağzı bağlanır və vam odda bişirilir. Xörəyin bişmə müddəti 35- 40 dəqiqədir. Hazır olduqda boşqaba çəkilir, üzərinə göyərti səpilir və süfrəyə verilir. Plov və çilovlarla da verilə bilər.

QEYD: Arxaq dağkeçisi, dağ kəli də adlanır. Dağlarda yaşayır. Əti tamamilə yağsız, lətif, zərif olur.

“Ədəbiyyat və incəsənət”

(28.10.2024)