Millət vəkili, Milli Məclisinin İctimai birliklər və dini qurumlar komitəsinin sədri Fazil Mustafa “Qazax” Xeyriyyə İctimai Birliyinin sədri, tanınmış ictimai xadim, Əməkdar müəllim Professor İlham Pirməmmədova 70 illik yubileyi ilə bağlı təbrik məktubu ünvanlayıb.

“Ədəbiyyat və incəsənət” portalı xəbər verir ki, təbrik məktubunda Fazil Mustafa professor İlham Pirməmmədovun həm elmi-pedaqoji fəaliyyəti, həm də rəhbərlik etdiyi ictimai qurum vasitəsilə ölkəmizin maarifçilik, xeyriyyəçilik gələnəklərinin, ziyalı təfəkkürünün və vətəndaş məsuliyyətinin qorunub saxlanmasına göstərdiyi töhfələri yüksək qiymətləndirib.

Komitə sədri onu da vurğulayıb ki, Pirməmmədovun rəhbərlik etdiyi “Qazax” Xeyriyyə İctimai Birliyi bu gün Azərbaycan cəmiyyətində milli-mənəvi dəyərlərin, ziyalılıq örnəklərinin yaşadılması və təşviqi baxımından önəmli ictimai platformalardan birinə çevrilib.

Sonda Fazil Mustafa professor Pirməmmədova möhkəm cansağlığı, elmi və ictimai fəaliyyətində yeni uğurlar arzulayıb.

“Ədəbiyyat və incəsənət”

(18.04.2025)