İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi
Ölkəmizin hər yerində olduğu kimi Oğuz rayonundada milli qürur və qəhrəmanlıq günü olan 20 Yanvarla bağlı kütləvi tədbirlər keçiririlmişdir.
Oğuz Rayon Heydər Əliyev Mərkəzinin Dini Qurumlarla İş üzrə Dövlət Komitəsinin (DQİDK) Şəki reginal bölməsinin birgə təşkilatçılığı ilə “Azərbaycan tarixinin qəhrəmanlıq səhifəsi” mövzusunda tədbir də bunlardan biri idi.
Tədbirdə Oğuz Rayon Heydər Əliyev Mərkəzinin direktoru M.Abbasova, DQİDK–nın Şəki reginal bölməsinin əməkdaşı S.Salehov, ziyalılar və gənclər iştirak etmişlər.
Çıxışlar zamanı qeyd olunub ki, 1990-cı il yanvarın 19-dan 20-nə keçən gecəni təkcə faciə adlandırmaq olmaz. Bu, Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanış günüdür. Uzun illər Sovet imperiyasının əsarətində yaşayan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir. Qanlı Yanvar faciəsindən artıq 35 il keçir. Həmin gün sovet imperiyasının Azərbaycan xalqına qarşı həyata keçirdiyi hərbi təcavüz insanlığa qarşı törədilmiş ən ağır cinayətlərdən biri kimi qalacaq. Milli azadlıq və ərazi bütövlüyü uğrunda mübarizəyə qalxmış yüzlərlə günahsız insanın qətlə yetirilməsi və yaralanması totalitar sovetrejiminin süqutu ərəfəsində onun cinayətkar mahiyyətinibütün dünyaya bir daha nümayiş etdirdi.
Vurğulanıb ki, artıq 35 ildir ki, xalqımız bu günü Vətənimizin azadlığı, suverenliyi uğrunda şəhid olan mərd oğul və qızlarının xatirəsini dərin hörmət vəehtiramla yad edir. 1990-cı ilin yanvar qırğını nə qədərfaciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi. Həminmüdhiş gecədə həlak olan Vətən oğulları Azərbaycanıntarixinə parlaq səhifə yazdılar, xalqın milli azadlığı, müstəqilliyi üçün yol açdılar. Müstəqil Azərbaycandövlətinin tarixinə qanla yazılan 20 Yanvar faciəsixalqımızın şərəf və qəhrəmanlıq səhifəsidir. Sonda 20 Yanvar hadisələrinə həsr olunmuş videoçarx nümayiş olunub.
Oğuz rayon MKS-nin bütün müəssisələrində də 20 Yanvar hadisələrinin 35-ci ildönümü ilə əlaqədar silsilətədbirlər keçirilib, kitabxanalarda kitab sərgiləri təşkiledilib. 20 Yanvar Şəhidlərinin xatirəsi ehtiramla yadedilib.
Oğuz rayon Mərkəzi Kitabxanasının oxucularaxidmət və uşaq şöbəsi birlikdə fəal oxucuların iştirakı iləŞəhidlər Xiyabanında " Milli qürur və qəhrəmanlıqsalnaməsi" adlı ədəbi bədii kompozisiya keçiriblər.
Oğuz rayon MKS - nin Çaldaş, Böyük Söyüdlü, Dəymədərə, Kərimli, Qarabluq kənd kitabxana filiallarıərazidəki məktəblərlə birgə "Mərdlik və qürur günümüz", "20 Yanvar Unudulmaz tarix", "Azadlıq qurbanları", "20 Yanvar - Milli birliyimizin simvoludur" adlı ədəbi - bədiikompozisiyalar keçirmişlər. Xalxal, Tayıflı, Qumlaq, Padar, Yaqublu, Bayan kitabxanalarında "20 Yanvar- tarixə qanla yazılan gün", "20 Yanvar - Azərbaycan xalqıüçün unudulmaz tarixdir", "Qanlı Yanvar gecəsi" başlıqlıədəbi bədii kompozisiyalar təşkil edilmişdir.
Allah bütün şəhidlərimizə rəhmət eləsin!
“Ədəbiyyat və incəsənət”
(21.01.2025)
