İmran Verdiyev, Azərbaycan Respublikasının Əməkdar müəllimi. “Ədəbiyyat və incəsənət” portalının Oğuz təmsilçisi

Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələri həm də millətimizin azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarixdir. Azərbaycan övladları həmin müdhiş gecədə canlarından keçərək şəhidlik zirvəsinə ucaldılar.

Artıq bir neçə gündən sonra Sovet imperiyasının Bakıda törətdiyi qanlı qırğının 34 illiyini qeyd edəcəyik. Artıq şəhidlərimizin xatirəsinə həsr olunmuş kütləvi tədbirlər keçirilir. Müqəddəs şəhidlərimiz yad olunur. 

Bu günlərdə Oğuz rayon Mərkəzi Kitabxanasında keçirilmiş tədbirlərdən biri də 20 Yanvar şəhidlərimizə həsr olunmuşdur. Belə ki, kitabxananın informasiya resursları şöbəsi tərəfindən 20 Yanvar hadisələrini özündə əks etdirən kitablardan ibarət virtual sərgi təşkil edilmişdir. Sərgi maraqla qarşılanmışdır. Bunu izləyici sayı da göstərmişdir.

“Ədəbiyyat və incəsənət”

(17.01.2025)