Mədəniyyət Nazirliyinin təşkilatçılığı ilə dekabrın 13-dən 15-dək Şamaxı şəhərində mədəniyyət və yaradıcı sənayelər sahəsində fəaliyyət göstərən qeyri-hökumət təşkilatları və fiziki şəxslər üçün qış məktəbi keçiriləcək.

“Ədəbiyyat və incəsənət” nazirliyə istinadən xəbər verir  ki, bu, mədəniyyət və yaradıcı sənayelər sahəsində məlumatlılıq səviyyəsinin artırılması, layihənin effektiv idarə edilməsi və strategiya qurmaq bacarıqlarının inkişaf etdirilməsi məqsədilə reallaşır.

İştirakçılar qış məktəbində mədəniyyət və yaradıcı sənayelər sahəsinin prioritet istiqamətləri, mədəniyyət siyasəti ilə bağlı biliklər əldə edəcək, həmçinin bu sahədə şəbəkələşmə imkanı qazanacaqlar.

İştirak etmək istəyənlər https://winterschool.culture.az/ linki vasitəsilə dekabrın 11-dək qeydiyyatdan keçə bilərlər.

“Ədəbiyyat və incəsənət”

(11.12.2024)