Ülviyyə Əbülfəzqızı,
“Ədəbiyyat və incəsənət” portalının Xüsusi Layihələr şöbəsi
Salam dəyərli izləyicilərimiz, xoş gördük.
Bu gün də "Ruhun pıçıltısı" adlı rubrikamızın dəyərli şair qonağı var. Qonağımız Azərbaycandan kənarda yaşasa da, ürəyi hər an Azərbaycanla döyünür.
Beləliklə, qonağımız araşdırmaçı, jurnalist, şair, yazıçı, kərküklümüz, Kerkük Kültür Derneği-nin təsisçisi və sədri Dr. Şəmsəttin Kuzəçidir. Onun şeirlərini Sizə təqdim edirik.
ŞƏMSƏTTİN KUZƏÇİ,
BİZ
Biz,
Günəş
deyilik...
Günəşi
görməyə
gəlmişik
ölməzdən
öncə...
BİZİM ELDƏ
Bizim eldə,
hər acıya dözmək gərəkdir.
Əlacını düşünmədən
ağrılara dözmək gərəkdir...
Dözməyənsə,
darağacını
düşünməlidir.
Bizim eldə,
bizim eldə...
BİZDƏN DEYİL
Günəşi
istəyən
dərin yuxudan
oyanmalıdır...
Millətini
çiyinlərində
daşıyan
hər çətinliyə
dirənməlidir...
Çilələrə, acılara
qatlanmalıdır...
Qatlanmayan
bizdən deyil...
HƏSSAS SUAL
İnsan
insanı
öldürə bilər.
Amma
insan
insana
can verə bilərmi?..
SEVGİ
İstərsən
ağlat məni,
İstərsən
güldür.
Sevdiyim,
məni
yurdumda öldür...
TORPAĞIM
Alıb Kərkükü
aparanlar,
yox edib
silmək istəyənlər
neftini yandırıb
qazını qurtarsınlar...
Suyunu qurudub
barını yesinlər.
Qalasını
Mostar kimi
Ecyaz misalı
qarsıb qovursunlar...
Yetər ki,
daşını, torpağını
bizə versinlər!..
MƏN
Türkoğlu Türk əslim mənim,
Oğuz boyu nəslim mənim,
Şan-şöhrətli ismim mənim,
Mən Kərküklü bir Türkmanam,
Türkə yan baxana düşmənəm.
İNSANAM
Anam bəlli, atam bəlli bir ərəm,
Tarixlərdə aydan yüksək şanım var.
Zillətli həyatı qəbul etmərəm,
Yurd uğrunda töküləcək qanım var.
KƏRKÜK ÜÇÜN
Kərkük üçün arzular al-al qana boyandı,
Nə gül qaldı, nə çiçək, nə dağ başında qarlar.
Nə göyərçin, nə qumru, nə millət sevən ərlər,
Sahilim aşdı həddi, bıçaq köksə dayandı.
Kərkük üçün sərildi torpaqlara ürəyim,
Əllərimdən zəncirlər qırıq-qırıq töküldü.
Göy üzündən ulduzlar bir dağ kimi söküldü,
İşıldadı gözümdə pəmbə, yaşıl diləyim.
GƏTİRMİŞƏM
Kərkükün qalasından,
Öz türkman balasından,
Qırmızı lalasından,
Məhəbbət gətirmişəm.
Azərbaycan soyundan,
Oğuz, Bayat köyündən ,
Dəclə, Fərat suyundan,
Dad, fəryad gətirmişəm.
Füzuli nəfəsindən,
Kərbəla havasından,
Kuzəçinin səsindən,
Yüz xoyrat gətirmişəm.
Kərkük, Təbriz, Marağa,
Xudam salma irağa,
Vətənim Qarabağa,
Mən övlad gətirmişəm.
“Ədəbiyyat və incəsənət”
(14.10.2026)
