Mayın 1-də Azərbaycan Yazışılar Birliyinin “Natəvan” klubunda  ““Ulduz”lu görüşlər” çərçivəsində “Ulduz” jurnalının baş redaktor müavini, yazıçı-publisist Təranə Vahidlə  görüş keçirilib.

Bu barədə “Ədəbiyyat və incəsənət” portalına jurnalın redaksiyasından məlumat verilib.

 “Ulduz” jurnalı ilə Azərbaycan Universitetinin birgə layihəsi olan tədbirdə jurnalın baş redaktoru Qulu Ağsəs, yazıçı Seyran Səxavət, universitetin müəllimi, filologiya üzrə fəlsəfə doktoru, dosent Xəyalə Cəfərova filologiya fskültəsinin bakalavr tələbələri iştirak ediblər.

Görüşdə Təranə Vahid ədəbiyyata gəlişindən, hekayələrindən danışıb, gənc filoloqların çoxsaylı suallarını cavablandırıb.

Yaddaqalan görüş səmimi ovqat və polemika şəraitində keçib.

“Ədəbiyyat və incəsənət”

(02.05.2026)