İnci Məmmədzadə, “Ədəbiyyat və incəsənət”

Eldar Bağırov 1953-cü ildə 22 aprel tarixində Ağdam rayonunda anadan olub. 1988–89-cu illərdə Azərbaycan Xalq Cəbhəsinin Ağdamda özəyini yaradıb və onun sədri olub. 1988-ci ildə Dağlıq Qarabağda ermənilər tərəfindən incidilən ilk qaçqınlar Ağdama gəldiyi gündən onların yerləşdirilməsi ilə, ərzaq təminatı ilə məşğul olmağa başlamışdır. Yanına gələn hər kəsə bacardığı köməyi göstərirdi. Bağırovun Dağlıq Qarabağın azərbaycanlılar yaşayan kəndlərinin ərzaq və silah-sursatla təmin edilməsində böyük rolu olmuşdur.

Qarabağda ilk dəfə üçrəngli Azərbaycan bayrağını 1988-ci ildə Ağdamın Xındırıstan kəndində sovetliyin binasının üstünə o sancmışdır. 1992-ci il martın 21-də yaradılmış 845 saylı 790 nəfərlik batalyona onun adı verilib. Eldar Bağırov Azərbaycanın Milli Qəhrəmanı Allahverdi Bağırovun qardaşıdır, batalyona isə Allahverdi Bağırov rəhbərlik edirdi, çoxlu sayda uğurlu döyüş əməliyyatları keçirilmişdir.

1990-cı ildə Ağdam rayonundan Azərbaycan Ali Sovetinə deputat seçilmişdir. 

Ailəli idi, 2 qız övladı var.

Allah rəhmət eləsin!

Amin!

“Ədəbiyyat və incəsənət”

(22.04.2025)