F.Köçərli adına Respublika Uşaq Kitabxanasının Ölkəşünaslıq və Milli ədəbiyyatın təbliği şöbəsi tərəfindən hazırlanan “Xocalı:Həqiqət və Ədalət" adlı virtual sərgi oxuculara təqdim olunub.
“Ədəbiyyat və incəsənət” portalına kitabxanadan verilən məlumata görə, virtual sərgidə Palitra studiyasının istedadlı tələbələri tərəfindən çəkilmiş Xocalı hadisələrini əks etdirən rəsmlər yer alıb. Gənc rəssamlar Xocalı faciəsinin izlərini, xalqın yaşadığı ağrını və ədalət axtarışını bədii dillə ifadə ediblər.
Sərgi interaktiv formatda təqdim olunaraq virtual oxuculara Xocalı həqiqətlərini dərindən öyrənmək və tarixi faktlarla tanış olmaq imkanı yaradır.
“Ədəbiyyat və incəsənət”
(28.02.2025)