“Diaspor Akademiyası-2” layihəsi çərçivəsində keçirilən 4-cü təlim “Yaşadıqları ölkələrin yerli və mərkəzi hakimiyyət orqanları, media və influenserləri ilə əlaqələrin yaradılması, saxlanılması və inkişaf etdirilməsi” mövzusuna həsr olunub.

“Ədəbiyyat və incəsənət” portalına Diasporla İş Üzrə Dövlət Komitəsindən verilən məlumata görə, layihənin iştirakçılarının marağı nəzərə alınaraq növbəti təlimdə media ilə əməkdaşlıq strategiyaları müzakirə edilib.

Tanınmış təlimçi, Siyasi Texnologiyalar Mərkəzinin rəhbəri Vəli Əlibəyov diaspor üçün vacib qurum, media və influenserlərin araşdırılması yolları, kommunikasiyanın qurulması, idarə olunması və qorunması barədə məlumat verib.

Təlim iştirakçıları qeyd edilən aktual mövzu ilə bağlı fikirlərini bildirib, təlimçiyə onları maraqlandıran sualları ünvanlayıb.

“Ədəbiyyat və incəsənət”

(04.12.2024)