Müharibə əlili Niyazov Səbuhi Valeh oğlu müalicə məqsədilə Türkiyə Respublikasına göndərilib. 

Bu barədə “Ədəbiyyat və incəsənət” fonduna “YAŞAT” Fondundan məlumat verilib. 

“YAŞAT” Fondu tərəfindən həkim rəyi əsasında ağır yaralı olan qazilərin müalicə üçün xaricə davamlı şəkildə göndərilməsi təmin edilir. Fond qazimizin müalicəsini tam yekunlaşana qədər nəzarətdə saxlayacaq.

Xatırladaq ki, bu günə qədər Fond tərəfindən 179-u ağır yaralı, 8-i şəhid ailəsi üzvü olmaqla, ümumilikdə 187 şəxsin müalicə məqsədilə Türkiyə Respublikasına göndərilməsi təmin edilib. Qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin ediləcək.

“YAŞAT” Fondunun hesabatları və xərclənən vəsaitlərlə bağlı ətraflı məlumatı yashat.gov.az rəsmi internet saytımızın “Hesabatlar” (https://yashat.gov.az/report/tableau) bölməsindən əldə edə bilərsiniz.

Həmçinin Fondun 8110 “Çağrı” Mərkəzi fəaliyyət göstərir.

“Ədəbiyyat və incəsənət”

(10.05.2024)