Varis yazır

Xeyli müddətdir bu mövzunu “Qızıl cib saatı” romanım üçün araşdırmışam, bizdən gizlədilən tariximizin bir hissəsidir bu: 

1918-ci ildə Bakıda, Şamaxıda, Qubada, digər bölgələrdə yerli müsəlman əhali kütləvi olaraq məhv edilməkdəydi, torpaqlarımızda Şaumyanın rəhbərliyi altında daşnak-bolşevik, yəni erməni-rus hakimiyyəti hökm sürürdü. Bax onda Nuru paşa türk ordusu ilə gəlib Azərbaycanı xilas etdi. 15 sentyabr - Bakının işğaldan azad edildiyi gündür. Sonradan qəddar tarix bizə qatil Şaumyana heykəl qoydurdu, xilaskar Nuru paşanın isə adını çəkmək yasaq sayıldı. Heç bu gün də biz tam olaraq düzə düz, əyriyə əyri deyə bilmirik. Bu gün də bu məmləkətdə “türk” deyənlərə həqarətlə baxanlar çoxdur. Amma tarix təkrar olunur, öz əyrisi, düzü ilə həmən təkrarlanır. Gəlin, bu ildönümündəsə Nuru paşanı, TÜRK adını şərəflə anaq!

“Ədəbiyyat və incəsənət”

(15.09.2023)