“Ədəbiyyat və incəsənət” portalı sizləri Sumqayıtda yaşayıb yaradan yazarlarla tanış etməkdədir. Bu dəfə Almaz Ərgünəş Bəyazid bir şeiri ilə görüşünüzə gəlib. Şeir Sumqayıta həsr edilib. 

Cörsən qəlbin sıxılır 

Özünə yer tapmırsan...

Atlan min bir taksiyə 

Ünvanını belə de:

Bir vaxt karvanlar  kecən

Ceyranın sahil boyu 

-Sum, qayıt!

Sumun "Ceyran, batıram" deyən

O əfsanə şəhərin sahilinə 

Sumqayıta sur, denən.

Burda yollar işıqlı ,

Ətrafı yaraşıqlı ,

Binalar göz oxşayır

İnsanlar istiqanlı

Başçısı caniyanan

Hər dərdə tapar dərman.

Vətən sözün biləndən 

Soruşdum ki, nənəmdən

Vətən hardan başlayır,

Bu boyda Vətən varkən?

Nənəm dedi: -Bəyazid,

Vətən doğulduğun şəhərdən

Oynadığın məhlədən

Sumqayıtdan başlayır.

İgidlərin izlərin 

Tarixdə yaşadacaq

"Şəhidlər xiyabanı" 

deyən yerdən başlayır.

O gündən anladım ki,

Sumqayıt Vətənimdir.

Məkkəmdir, Mədinəmdir.

O mənim bu dünyada 

ən gözəl şəhərimdir.

Gördün qəlbin sıxılır

Özünə yer tapmırsan...

Atlan min bir taksiyə 

De ki, şur Sumqayıta

O əfsanə şəhərə

Bu gün orda bayramdır

Hey yanı al- əlvandır.

75 yaşı olan 

Sumqayıt könulacan

Yaradib- yaratmalı 

Yaşamalı şəhərdir.

“Ədəbiyyat və incəsənət”

(06.01.2025)