Malik Məmmədov, “Ədəbiyyat və incəsənət”
Sumqayıtımız bir çox sahələrdə ad çıxarıb, müsbət nümunə göstərib. Buna görə də hər bir sumqayıtlı öz şəhəri ilə qürurlanır.
İndi isə sizlərə Sumqayıtın qeyri-adi və heyrətamiz hadisələrin təqdimatından yaranan məşhur “Ginnesin Rekordlar Kitabı” ilə bağlılığından danışacağam.
Bildiyiniz kimi, bu nəşr dünyada ən uğurlu nəşr sayılır. Ötən 2023-cü ildə bu kitab 100 milyondan artıq tirajla satılıb.
Oraya bir neçə azərbaycanlı da düşə bilib.
İlk düşən isə Fəxrəddin Vəliyev olub.
Belçikada yaşayan və həyatının 25 ilini qrafika sənətinə həsr etmiş Fəxrəddin Vəliyev Sumqayıtda boya-başa çatıb. 2004-cü ildə 5 dəqiqəyə 20 nəfərin siluetini çəkməklə rekordçu adını qazanıb.
Həmyerlimiz 1992–1995-ci illərdə Afinada və İstanbulda fərdi sərgilər təşkil edib, 2003-cü ilin dekabrında “Belqium” muzeyində Belçika kraliçasının rəsmini çəkib. Kraliça isə ona məktub vasitəsilə təşəkkürünü bildirib.
Fəxrəddin Vəliyev Azərbaycanın Belçikada tanınması üçün də xeyli işlər görüb. O, hazırda bu ölkədəki Avropa–Azərbaycan diaspor mərkəzinin vitse-prezidentidir.
Bax belədirlər, bizim sumqayıtlılar!
“Ədəbiyyat və incəsənət”
(12.09.2024)
