“Ədəbiyyat və incəsənət” portalı TASS agentliyinə istinadən xəbər verir ki, İtaliya və Rusiyadan olan ədəbiyyat və incəsənət xadimləri Beynəlxalq Puşkin mükafatı laureatları olmuşlar.
Cümə axşamı onların adları Romada, Respublika Senatının iqamətgahı Palazzo Madamada elan edilib. Bu gün Romada dördüncü dəfə Rus evində keçiriləcək mükafatların təqdimedilmə mərasimi  Fyodor Dostoyevskinin anadan olmasının 200 illiyinə həsr olunub (1821-1881).
Rejissor Andrey Konçalovski, Rusiya Rəssamlıq Akademiyasının prezidenti Zurab Tsereteli, aktyor Sergey Bezrukov və rəssam İqor Ladojanin - Beynəlxalq Puşkin mükafatının Rusiyadan olan laureatları bu şəxslərdir. Və hər dörd laureatın mükafata layiq görülən işinin motivində İtaliya dayanıb.
Konçalovski 2019-cu ildə çəkilmiş "Günah” filminə görə mükafata layiq görülüb. 14 həftə ərzində çəkiliş Roma, Florensiya və Karrara da daxil olmaqla İtaliyanın müxtəlif şəhərlərində aparılıb.
Sereteli mükafata İtaliyada ucaltdığı  üç heykələ görə, Bezrukova ifa etdiyi rollarına görə, Ladojanin isə italyan peyzajları olan bir sıra rəsmlərinə görə layiq görülüb.
İtaliyalılardan isə şair Françeska Mariya Ricky "Həyat addımları" kitabına görə, həmçinin tərcüməçilər-slavistlər Culiya de Florio, Aliçe Farina və Elena Fred Pireddin Dostoyevskinin əsərlərini italyan dilinə tərcümə etdiklərinə görə mükafata layiq görülmüşlər.
Qeyd edək ki, bu xəbər bu gün üçün dünya üzrə əsas art xəbərlər sırasında ön yerdədir.