Azərbaycan Respublikası Mədəniyyət Nazirliyinin təşkilatçılığı ilə ölkəmiz növbəti dəfə London Beynəlxalq Kitab Sərgisində zəngin nəşrlərlə təmsil olunur.

AzərTAC xəbər verir ki, bu beynəlxalq tədbir Azərbaycan ədəbiyyatının, tarixi və mədəni irsinin dünyaya tanıdılması baxımından mühüm platforma hesab edilir.

Martın 11-də açılışı baş tutan sərgidə dünyanın 60-a yaxın ölkəsindən 1000-dən çox iştirakçı, o cümlədən tanınmış naşirlər, yazıçılar və media nümayəndələri iştirak edib.

Sərgidə Azərbaycanın milli stendi müxtəlif bölmələrdən ibarət olub. Burada ölkəmizin tarixi və mədəni irsini əks etdirən ən yeni və dəyərli nəşrlər təqdim edilir. Bununla yanaşı, sərgi çərçivəsində bir sıra tanınmış yerli və xarici nəşriyyatlarla əməkdaşlıq imkanlarının müzakirəsi üçün xüsusi guşələr təşkil edilib.

Sərgi martın 13-dək ziyarətçilər üçün açıq olacaq.

“Ədəbiyyat və incəsənət”

(12.03.2025)