Azərbaycanın kitab bazarının formalaşmasında müstəsna işlər görən Azərbaycan Nəşriyyatlar Assosiasiyası İctimai Birliyi (ANAİB) bir neçə ildir ki, uğurla Kitabqurdu Oxu Marafonunu keçirir.

“Ədəbiyyat və incəsənət” portalına XAN nəşriyyatının direktoru, marafonun təşkilatçı tərəfinin rəsmisi Səbuhi Şahmursoy növnəti marafonla bağlı belə açıqlama verib: 

-Sabah Kitabqurdu Oxu Marafonunun növbəti final turu və mükafatlandırma mərasimidir və bu dəfə mərasimi ictimaiyyətə açıq keçirməyi qərara almışıq. 

IV Kitabqurdu Müəllimlərin Oxu Marafonunun finalını canlı izləməyə hamı dəvətlidir. Heç bir qeydiyyat və ödəniş də tələb olunmur. Ölkənin ən kitabqurdu müəllimini ilk tanıyanlardan olmaq istəyirsinizsə, sabah - 12 sentyabr, saat 15.00-da Hədəf liseyinin Nəsimi filialına gəlin. 1000, 600 və 400 manatın sahibi olacaq müəllimlərin hansı imtahandan keçərək qalib olduqlarını öz gözlərinizlə görün.

Əminik ki, bu çağırışa qoşulanlar çox olacaq!

“Ədəbiyyat və incəsənət”

(11.09.2024)