“Ən çox oxunan” rubrikasının növbətçisi Könül bu xəbərin aylar öncə getdiyini, lakin hazırda yenidən paylaşıldığını qeyd edir və Reytinqdə ən çox adının hallanmasını əsas gətirib onu “Ədəbiyyat və incəsənət” oxucuları üçün də əlçatan edir.

Mənbə: The Guardian

Çin və Almaniyadan olan ornitoloqlar 200-dən çox quş növünün davranışını təhlil edərək sensasiyalı açıqlamalar veriblər. Məlum olub ki, quşlar arasında “uzaq məsafədən sevgini” dəstəkləməyənlər və “xəyanəti bağışlamayanlar” var, dişi quş buna görə öz cütündən ayrıla bilər.

Elm adamlarının sözlərinə görə, monoqam quşların 90%-i ən azı bir cütləşmə mövsümü üçün bir quşla yaşayır. Bunlar arasında “nümunəvi ailə başçısı” roluna tab gətirməyib, hələ də “başqalarına baxanlar” da olur. Belə olanda öz yuvasına gedən yol onun üçün əbədi olaraq bağlanır.

Alimlər “xəyanət”in daha çox erkəklərdə müşahidə olunduğunu vurğulayıblar. Onlar bildiriblər ki, bu “xəyanəti” aşkar edən dişi erkəyi “bağışlamır” və “xəyanətkarı” özündən uzaqlaşdıraraq “boşanır”.

Bəli, bu halları ilə quşlar canlıların ən alisi olan insanlarla eyniləşirlər.

Ən maraqlısı isə, dişilərin “xəyanətinə” bu cür cavab verilməməsidir, onlara xəyanət etmək olar sən demə. Bax burda isə quşlar insanların tam ziddinə gedirlər.

Alimlər həmçinin daha uzun miqrasiya məsafəsi olan növlərin ayrılma nisbətinin daha yüksək olduğunu aşkar ediblər.

Dünyanın nə qəribə işləri var imiş.

“Ədəbiyyat və incəsənət”

(29.08.2024)