Kənan Məmmədli, “Ədəbiyyat və incəsənət”
Həmkarımın ÖTƏN İL BU GÜN rubrikasına musiqi xəbəri seçməsinə rəğmən mən kino xəbərini seçirəm və oxucularıma onu da söyləmək istəyirəm ki, Ötən il bu gün kinoprokatlarda öndə gedən filmlərin ilk 20-liyindən heç biri bugünkü reytinqdə yoxdular.
Bax bu, belə deməyə əsas verir ki, hər şey ötəridir. Zövqlər, alüdəliklər, sevgilər...
ABŞ-ın “Vəhşətlər xiyabanı" trilleri Rusiya Federasiyası və MDB ölkələrində kino prokatının lideri olub, film ötən həftə sonu 61,5 milyon rubl yığıb.
Meksikalı rejissor Gilyermo del Toronun "Vəhşətlər xiyabanı" filmi yanvarın 20-də Rusiya prokatına çıxıb. Süjetə görə, qurbanlarını heç kimin aldada bilməyəcəyi şəkildə aldada bilən iddialı dələduz qadın psixiatrla görüşür, özündən baş açmaq istəyir. Baş rolları Bradley Cooper, Keyt Blanşett, Uillem Defo, Pol Anderson və Rooney Mara oynayıblar.
İkinci yerdə həftə sonu 44,3 milyon rubl toplayan "King' s Man: start" komediyası qərarlaşıb. Rejissor Metyu Vonun filmində korrupsiya ilə məşğul olan siyasətçilərin və kriminal dahilərin birləşməsi nəticəsində dünyanın milyonlarla insanının həyatına son qoymağa qadir müharibə həddinə çatmasından bəhs edilir. Yalnız bir nəfər - Baddies bunu dayandırmağa cəhd edə bilər. Film yanvarın 13-də Rusiya prokatına çıxıb, baş rolları Reyf Fayns, Cemma Arterton, Ris İvans və Metyu Qud ifa ediblər.
Üçüncü yer 39 milyon rubl toplayan "Spider-Man: heç bir yol" filminə məxsusdur. Rejissor Con Uotsun fantastik döyüş filmi dekabrın 15-də Rusiya prokatına çıxıb. Misterio ifşa edildikdən sonra Hörümçək adamın, yaxud Peter Parkerin nüfuzu təhlükə altındadır. Peter vəziyyəti düzəltmək üçün doktor Strenjdən kömək istəyir, amma hər şey daha təhlükəli olur. Filmdə Tom Holland, Benedikt Kamberbetç, Marisa Tomey və başqaları çəkiliblər.
“Ədəbiyyat və incəsənət”
(01.02.2024)
