Cənubi Koreyanın “Kalmar oyunu” serialında səslənən musiqi “Hollywood Music in Media”nın “Teleşou və ya mini serial üçün ən yaxşı saundtrek” nominasiyası üzrə mükafat alıb.
TASS agentliyi xəbər verir ki, mükafatlandırma mərasimi “Hollywood Music in Media”nın rəsmi saytında yayımlanıb.
Bəstəkar Çun Çe İl çıxışında bütün həmkarlarına və saundtrek üzərində çalışan və ona ilham verən insanlara, xüsusən də klassik və caz partiyalarını ifa edən Norbert Elekin rəhbərliyi ilə Budapeştdən gələn musiqi qrupuna təşəkkür edib.
Alman bəstəkarı Hans Zimmer əsas nominasiyalarda eyni vaxtda iki mükafat qazanıb. O, “Ölməyə vaxt yoxdur” filminin musiqisinə görə “Film üçün ən yaxşı saundtrek” və “Duna” filminə görə “Fantastik filmlər üçün bəstələnən ən yaxşı saundtrek” nominasiyalarında birinci olub.