Beynəlxalq Türk Mədəniyyəti və İrsi Fondu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevə atasının vəfatı ilə bağlı aşağıdakı məzmunda başsağlığı verib:
“Türk Mədəniyyəti və İrsi Fondu, Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri , hörmətli Hikmət Hacıyevin atası Fərhad Hacıyevin vəfatı xəbərini dərin kədərlə qarşılayır. Onun ömür yolu, ailəsi və yaxınları üçün hər zaman qürur mənbəyi olaraq xatırlanacaqdır.
Bu ağır itkidə mərhumun ailəsinə, yaxınlarına və bütün sevdiklərinə səbir diləyir, başsağlığı veririk.
Ruhu şad olsun.”
Beynəlxalq Türk Mədəniyyəti və İrsi Fondunun prezidenti Aktotı Raimkulova Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevə atasının vəfatı ilə bağlı aşağıdakı məzmunda məktub ünvanlayıb:
Azərbaycan Respublikası Prezidentinin köməkçisi,
Azərbaycan Respublikası Prezidentinin Administrasiyasının
Xarici siyasət məsələləri şöbəsinin müdiri cənab Hikmət Hacıyeva
Hörmətli Hikmət müəllim!
Atanız Fərhad Hacıyevin vəfat etməsi xəbərini dərin kədərlə qarşıladıq. Şübhəsiz ki, Sizin kimi nümunəvi dövlət adamının, Türk dünyasının birliyi yolunda durmadan çalışan görkəmli siyasi xadimin yetişməsində valideyninizin, mərhum F.Hacıyevin böyük rolu olmuşdur. Sizin kimi Azərbaycan xalqının hafizəsində əvəzsiz xidmətləri ilə yadda qalan bir dövlət xadiminin yetişməsində böyük əməyi, zəhməti olan Fərhad müəllim kimi dəyərli şəxsiyyətin, nümunəvi vətəndaşın itkisi olduqca kədərli və üzücü hadisədir.
Atanızın vəfatından dolayı Türk Mədəniyyəti və İrsi Fondu, eləcə də öz adımdan dərin hüznlə başsağlığı verir, ailə üzvlərinizə və Sizə səbir, dözüm arzulayır, Allahdan mərhum Fərhad müəllimə rəhmət diləyirik.
Hörmətlə,
Aktotı Raimkulova
Türk Mədəniyyəti və İrsi Fondunun prezidenti
“Ədəbiyyat və incəsənət”
(04.04.2025)
