Ötən gün yazıçı, dramaturq, tənqidçi, satirik, publisist, dövlət xadimi, Türkiyə Cümhuriyyətinin İstanbul şəhərində Azərbaycan Respublikasının sabiq baş konsulu Xeyrəddin Qocanın 75 illik yubileyi tamam oldu. 

Bu münasibətlə Cəfər Cabbarlı adına Respublika Gənclər Kitabxanasında nasirin həyat və yaradıcılığından, ictimai və siyasi fəaliyyətindən bəhs edən “Xeyrəddin Qoca – 75. Yazdıqlarım... Yazılanlar...” adlı virtual kitab sərgisi hazırlanıb. Virtual kitab sərgisində Xeyrəddin Qocanın Ulu Öndər Heydər Əliyev ilə bağlı xatirələri, Prezident İlham Əliyev tərəfindən “Şöhrət” ordeni ilə təltif edilməsi, ictimai-siyasi fəaliyyəti, bədii yaradıcılığı sayəsində layiq görüldüyü təltif və mükafatlar haqqında məlumat verilir. Kitabxananın rəsm saytında yerləşdirilən https://ryl.az/multimedia/xeyreddin-qoca virtual kitab sərgisində Xalq yazıçısı Anarın Xeyrəddin Qoca haqda söylədiyi xatirələr, yazıçının səhnələşdirilən dram əsərləri haqqında məlumat da təqdim edilir. Kitabxana əməkdaşları tərəfindən hazırlanan materialda Xeyrəddin Qocanın müəllifi olduğu və ona xalq sevgisini qazandıran “Biz bizə bənzərik”, “Yazdıqlarım, yazılanlar”, “Ömür belə keçir”, “Xeyrəddin Qocanın gülüşü” kimi kitabların qısa annotasiyası, dövrü mətbuat nümunələri sərgilənir.

“Ədəbiyyat və incəsənət”

(30.01.2025)