Azərbaycanda rəsmən ən çox satılan, elektron formatda ən çox yüklənən kitab - bu il 15 yaşını qeyd edən “kitab-əfsanə” adını almış “Sonuncu ölən ümidlərdir” (müəllif Varis) “Azərkitab yayınları”nda yeni redaktədə və dizaynda çap olunub. 

“Ədəbiyyat və incəsənət” portalı xəbər verir ki, hər il konveyerlərdən  çıxan minlərlə keyfiyyətsiz pirat nüsxələrinin qarşısı alınmaqla yeni oxuculara romanın daha təkmil və nəfis çaplı variantı təqdim olunub.

Kitabı “Bakı Kitab Mərkəzi”ndə, “Ali və Nino”, “Libraff”, “Kitabevim.az” mağazalar şəbəkəsindən pərakəndə, habelə Sinkod Yayım və Dağıtım şirkətindən topdan əldə etmək mümkündür.

Kitabın satış qiyməti 10 manatdır. 

“Ədəbiyyat və incəsənət”

(28.09.2023)