Ötən əsrin 70-ci illərində ad eləmiş Böyük Britaniyanın "The Rolling Stones” rok qrupu yaşlı insanlarımızın yadındadır. Qrup da deyil, bir əfsanə idi. 1962-ci ildə yaradılmışdı  və uzun illər populyarlıq baxımından “The Beatles” ilə rəqabət aparan yeganə Britaniya rok qrupu idi. 

Budur, qrupun yaradıcıları Mik Caqqer və Kit Riçardsanın Londonun yaxınlığında yerləşən doğma Dartford şəhərlərində heykəlləri qoyulub. 

“The Glimmer Twins” adlı heykəltəraşlıq kompozisiyasının müəllifi Emi Qudmandır. Mik Caqqer əlində mikrofonla təsvir olunub. Onu gitarada Riçards müşayiət edir. 

Özü də heykəl postamentsizdir. Lap bizim Hacı Zeynalabdinin heykəli kimi. Yəni, “xalq adamı qoy xalqın içində olsun” anlayışı, demək, tək bizdə yox imiş.

“Ədəbiyyat və incəsənət”

(11.08.2023)