Mayın 1-də Beynəlxalq Muğam Mərkəzində muğam variasiyalarını ilk dəfə fortepianoda ifa edən azərbaycanlı ilk pianoçu xanım Xədicə Qayıbovanın 130 illiyinə həsr edilmiş xatirə gecəsi təşkil olunub.
“Ədəbiyyat və incəsənət” portalı xəbər verir ki, xatirə gecəsində tarzən, Əməkdar artist Sahib Paşazadənin müşayiətilə musiqi solistlərinin ifasında yerli və xarici bəstəkarların musiqiləri səsləndirilib.
Koncertdə iştirak ediblər:
1. Rafael Əsgərov-balaban ifaçısı
2. Anar Quliyev - Xanəndə.
3. İslama Abdullayeva - Vokal
4. Renata Abubekirova və Aydan Jafarova - skripka və fortepiano
5. Nazxanım Dadaşova - pianoçu
6. Amina Zülfüqarova - fleyta
7 Саида Таги-заде - pianoçu
8. Maryam Huseynova və Nigar Hasanova - pianoçu
9. Elnur Mikayılov - Kamança
10. Rüstəm Müslümov - Tar
11. Rafiqa Guluzadə və Nuridə Novruzova - pianoçu
12. İlham Nəzərov - Azərbaycanlı opera müğənnisi, kontratenor.
Qeyd edək ki, Xədicə Qayıbova (1893-1928) Azərbaycanın ilk qadın pianoçularından biri olub. Ailənin altıncı övladı olan Xədicə Qayıbova Tiflisdə ünlü ruhanilərdən Osman bəy Müftizadənin ailəsində dünyaya gəlib. X.Qayıbova ilk təhsilini “Müqəddəs Nina” Qızlar Məktəbində alıb. 1911-ci ildə dərslərini və musiqini mükəmməl öyrənən Xədicə “Qızıl xaç nişanı” ilə orta təhsilini başa vurub. Onun təşəbbüsü ilə “Qısamüddətli Şərq musiqi kursları” təşkil edilib, uşaq xoru yaradılıb və birbaşa onun iştirakı ilə azərbaycanlı qadınlar üçün “Musiqi-dram” studiyası yaradılıb. O, həm Şərq, həm də Avropa musiqisinin gözəl bilicisi kimi respublikanın mədəni həyatında fəal iştirak edib. Dövrünün görkəmli sənətkarları ilə çalışaraq Azərbaycan musiqi folklorunun toplanması istiqamətində öz səylərini əsirgəməyib.
“Ədəbiyyat və incəsənət”
(02.05.2023)
