Azərbaycanda şou-biznes əhli üçün Yeni il şənlikləri pul qazanmaq üçün ən böyük fürsətdir. Baxın, saytlar müğənnilərimizin Yeni ildə aparacaqları şou proqramlardan qazancları cədvəlini təqdim edirlər. Ən yüksək göstərici hardasa 5-6 min manatdan o yana keçmir. 

Müğənnilərimizin illik qazancı isə əksərən 50 min manat civarına çatmır. Bu qiymətlər çoxmu yüksəkdir? Yox ki yox! La skaladan, Böyük Teatrdan, Vyana opera studiyaaından dəm vurmayacağıq, sadəcə qonşu Türkiyəni müqayisəyə gətirəcəyik. Heç Türkiyənin musiqi kralları Tarkanla, Sezen Aksuyla və digərləri ilə də işimiz yoxdur. Ortabab bir müğənnidən bəhs edəcəyik. 

Türkiyəli müğənni Simge Sağının illik konsertlərinin sayı və qazancına diqqət yetirək. Bu 41 yaşlı müğənni bu il 138 dəfə konsert verərək 15 milyon lirə qazanıb. 

İndi özünüz müqayisə edin. Biziç şou-biznes əhli həqiqətənmi yağ-bal içindədir?

Şəkildə: Simge Sağın

“Ədəbiyyat və incəsənət”

(30.12.2022)