Heydər Əliyev Sarayına yeni vurulan afişalar xeyli cəlbedicidir. Afişadan üzümüzə bir yapon xanımı gülümsəyir. Bu Keyko Matsuidir. Nyu-eyc və cazın mahir ifaçısıdır Keyko Matsui. 

2023-cü il yanvarın 28-də Heydər Əliyev Sarayında əfsanəvi Yapon pianoçu və bəstəkar Keyko Matsuinin konserti təşkil olunacaq. Konsertdə pianoçu rəngarəng caz musiqi nömrələri ilə tamaşaçıların qarşısına çıxacaq. 

Keykonun bioqrafiyasına nəzər yetirək. 1961-ci ildə Tokioda doğulub. 17 yaşı olarkən “Yamaha System” studiyasından təklifi alıb. Həmin ildə o, ilk dəfə film üçün kompozisiya yazıb. Bundan sonra pianoçu "Cosmos" adlı caz qrupu yaradıb və bu qrupla bərabər dörd albom buraxıb. O, “Ən yaxşı caz albomu” nominasiyasında Soul Train Music Awards” mükafatına, eyni zamanda “Oasis Awards” mükafatlandırma mərasimində “İlin ən yaxşı caz qadın ifaçısı” nominasiyası üzrə mükafata layiq görülüb.

Onun 20 albomu var. “Forever, forever” mahnısı çox populyardır.

“Ədəbiyyat və incəsənət”

(27.12.2022)