Azərbaycanın Latviyadakı Səfirliyinin dəstəyi ilə Liepayadakı Müqəddəs Üçlük Kafedralında ölkəmizin istedadlı orqan ifaçısı Natəvan Quliyevanın konserti keçirilib. 

Natəvan Quliyeva görkəmli bəstəkarlarımız Qara Qarayev, Nazim Əlivərdibəyov, həmçinin tanınmış latviyalı bəstəkar Ayvars Kaleys və bir sıra dünya klassiklərinin orqan musiqi əsərlərini məharətlə ifa edib. 

Azərbaycanlı musiqiçisinin çıxışı Liepaya şəhərində hər il keçirilən ənənəvi Yay Orqan Konsertləri çərçivəsində baş tutub.