Rusiyanın musiqi əfsanələrindən biri, 80-ci illərin ən populyar qrupu olan “Laskovıy may” qrupunun solisti Yuri Şatunov 48 yaşında dünyasını dəyişib.

“Ədəbiyyat və incəsənət” portalı TASS agentliyinə istimadən xəbər verir ki, qəfildən halı pisləşən müğənni üçün təcili yardım çağırılsa da, o elə xərəkdəcə dünyasını dəyişib, həkimlər onun həyatını xilas edə bilməyiblər. Məlum olub ki, Şatunov infarktdan dünyasını dəyişib.

Xatırladaq ki, 1986-1988-ci illərdə Şatunovun da tərkibində olduğu "Laskovıy may" qrupu SSRİ məkanlnda nömrə bir hesab olunurdu, “Ağ qızılgül", "Qoy, axşam olsun", "Yay" və "Əriyən qar" kimi mahnılarla böyük məşhurluq qazanmışdı.