“Bakı Jazz” Beynəlxalq Caz Festivalı çərçivəsində gənc ifaçılar üçün “İ Am Jazzman!” adlı müsabiqə elan olundu. 14-30 yaşlı musiqiçilər üçün nəzərdə tutulan müsabiqədə
seçim turu iki mərhələdən ibarət olacaq, burada peşəkar münsiflər heyəti iştirakçının musiqi biliklərini qiymətləndirəcək. Birinci yerin qalibinə mükafat olaraq 1000 manat məbləğində pul veriləcək.
Müsabiqədə iştirak etmək istəyənlər Nizami 90A, Landmark, 22 mərtəbə ünvanına müraciət edə bilərlər.
Xatırladaq ki, Bakı Beynəlxalq Caz Festivalı  Mədəniyyət Nazirliyi, Azərbaycan Mədəniyyət Fondu və "Jazz Dünyası" jurnalı tərəfindən təşkil edilən layihədir. Bakı Beynəlxalq Caz Festivalı 2005-ci ildən keçirilir. Festivalda həm xarici həm də yerli caz ulduzları iştirak edir.