Azərbaycan Respublikası Mədəniyyət Nazirliyi "Səhnədən səngərə: Qazilər" layihəsinin sonuncu (on birinci) buraxılışını təqdim edib.

“Ədəbiyyat və incəsənət” portalı xəbər verir ki, bu dəfəki buraxılış  qazi Ələmdar Quliyevə həsr olunub. 

Şərəfli ömür yolu səhnədən səngərə uzanan qəhrəmanlarımızdan biri də xanəndə Ələmdardır. Qardaşları ilə birgə Vətən müharibəsinə könüllü yollanan qazimiz sağlamlığını doğma torpaq uğrunda fəda etsə də, azad Azərbaycanın aydın səmasına qürurla baxdığını deyir.

Bu gün sevimli peşəsinə, övladlarına möhkəm sarılan Ələmdar Quliyevin arzusu işğaldan azad olunmuş bütün tarixi ərazilərimizi şəhər-şəhər, kənd-kənd gəzib, Qarabağ şikəstəsini səsləndirməkdir.