Bazar günü gəncəlilər üçün növbəti uğurlu musiqi layihəsi təqdim ediləcək. Belə ki, Fikrət Əmirov adına Gəncə Dövlət Filarmoniyası"Musiqinin gücü" layihəsini təqdim edəcək. Milli Musiqi Gününə həsr olunacaq tədbir saat 18.00-də başlayacaq.

“Ədəbiyyat və incəsənət”ə Filarmoniyadan verilən məlumata görə, Gəncə Şəhər İcra Hakimiyyətinin dəstəyi ilə keçiriləcək layihə çərçivəsində Gəncə Dövlət Filarmoniyasının Kamera Orkestri, Xalq Çalğı Alətləri Orkestri və Gəncə-Daşkəsən Regional Mədəniyyət İdarəsinin nəzdində fəaliyyət göstərən musiqi məktəblərinin konsert proqramları baş tutacaq. 

"Musiqi gücü" layihəsinin əsas məqsədi klassik musiqini, milli dəyərlərimizi təbliğ və insanların asudə vaxtının səmərəli keçməsinə xidmət etməkdir.

Beləliklə, ayın 18-də start veriləcək layihə ayın 20-də tamamlanacaq. Bütün tədbirlər eyni vaxtda – saat 18-də başlayacaq.

Qeyd edək ki, keçiriləcək konsertlərə giriş sərbəstdir.

“Ədəbiyyat və incəsənət”

(16.08.2024)