Beynəlxalq Muğam Mərkəzi fevralın 15-dən “Azərbaycan muğamı” adlı yeni layihə təqdim edəcək.

“Ədəbiyyat və incəsənət” portalı xəbər verir ki, layihə çərçivəsində ilk təqdimat tar ifaçılıq sənətinə həsr olunan “Ustad dərsi” ilə başlayacaq.

Dərs tanınmış tarzən və pedaqoq Elxan Müzəffərov tərəfindən aparılacaq.

Layihənin məqsədi klassik ifaçılıq məktəbimizin yaşadılmasına və gələcək nəsillərə ötürülməsinə, ustad-şagird ənənələrinin qorunmasına dəstək olmaqdır. İl ərzində mütəmadi olaraq təşkil ediləcək ustad dərslərində tar ifaçılıq sənətinin görkəmli nümayəndələrinin iştirakı nəzərdə tutulub.

Ustad dərslərində iştirak sərbəstdir və maraqlanan hər kəs iştirak edə bilər.

“Ədəbiyyat və incəsənət”

(14.02.2024)