İyulun 8-də Göyçay şəhərindəki Rəsul Rzanın ev- muzeyində açılan gənc rəssamlar Rahim İbrahimov və Yunis Həmidovun əsərlərindən ibarət “Duyğuların rəngi” adlı rəsm sərgisi müvəffəqiyyətlə davam edir. 

Açılış tədbirində sərgi ilə bağlı ətraflı məlumat verilib və gənc fırça ustalarına gələcək fəaliyyətlərində uğurlar arzulanıb. 

Gənc rəssamlar yaradılmış şəraitə görə muzeyin direktoru Solmaz Həsənovaya minnətdarlıqlarını bildirərək, nümayiş edilən sənət əsərləri ilə bağlı fikirlərini bölüşüblər.

Sonra qonaqlar gənc rəssamların əl işlərindən ibarət sərgi ilə tanış olublar.

Qeyd edək ki, sərgi iyulun 15-dək davam edəcək.

“Ədəbiyyat və incəsənət”

(10.07.2023)