Qazax rayonunun Kosalar kəndində, Azərbaycanın Xalq Yazıçısı İsmayıl Şıxlının adını daşıyan kənd tam orta məktəbinin qarşısında ədibin büstünün açılışı olmuşdur. Açılışda rayon ictimaiyyətinin nümayəndələri, ədəbiyyat adamları iştirak etmişlər.  Qırmızı lenti kəsərək abidəni açan yazıçının oğlu, Azərbaycan Jurnalistlər Birliyinin sədri Elçin Şıxlı təşəbbüskarlara ailələləri adından minnətdarlıq bildirmişdir.  Mərasimdə iştirak edən ədəbiyyatşünas Məti Osmanoğlu, eləcə də Azərbaycan Yazıçılar Birliyi Qazax bölməsinin sədri Barat Vüsal böyük İsmayıl Şıxlının ədəbi fəaliyyətindən, nüfuzundan bəhs etmiş, ədibin xatirəsinin qədirbilən elliləri tərəfindən bu cür əbədiləşdirilməsini təqdir etmişlər.
Ruhun şad olsun, böyük ədib!